CONCERTO DE NADAL 2006

A Orquestra de Cámara da Universidade da Coruña presentouse na Igrexa da Orde Terceira da Coruña o 21 de decembro de 2006. Neste concerto interviron tamén o Coro Universitario da Coruña, o Coro de Cámara da Coruña e a soprano Maite Bárbara.

Aínda que inicialmente se formou un grupo de cámara, as inquedanzas daqueles novos músicos levaron a se prantexar a posibilidade de formar unha orquestra de cámara.

O concerto foi organizado pola Aula de Música da Vicerreitoría de Extensión Universitaria e Comunicación. Cunha formación inicial de nove integrantes de corda e tres colaboracións de instrumentistas de vento e tecla (clave), a orquestra presentou un breve repertorio de obras barrocas e clásicas:

J.S. BACH (1685-1750): "Aria" da Suite en Re

J. PACHELBEL (1653-1706): Canon e Giga

G.F. HÄNDEL (1685-1759): "Pastoral Symphony" de Messiah

W.A. MOZART (1756-1791): Divertimento KV 136 en Re Maior

Logo das intervencións individuais de ambos os dous coros, as tres formacións ofreceron unha breve actuación conxunta:

A. VIVALDI (1678-1741): "Gloria in excelsis Deo" do Gloria en Re Maior